Friday, October 23For your kind information
Shadow

नेकपाको स्थायी कमिटिको बैठक आज बस्दै: हेर्नुहोस कुन कुन विषयमा छलफल गरिन्छ

काठमाडौँ, २६

भदौ सत्तारूढ  नेपाल कम्युनिस्ट पार्टी (नेकपा)काे अवरूद्ध स्थायी कमिटी बैठक अाज (शुक्रबार) बस्दै छ । उक्त बैठकको सबै तयारी पूरा भएको जनाइएकाे छ ।

नेकपा महासचिव विष्णुप्रसाद पौडेलले बैठकका लागि आवश्यक गृहकार्य सकिएको जानकारी दिनुभयो  । अध्यक्षद्वय केपी शर्मा ओली र पुष्पकमल दाहाल ‘प्रचण्ड’ले  तयार पारेको प्रस्ताव स्थायी कमिटीका सदस्यहरूलाई समेत पठाइसकिएको उहाँकाे भनाइ छ ।

अध्यक्षद्वय बीच भएको १५ बुँदे सहमति स्थायी कमिटी बैठकमा पेश हुनेछ । दुई अध्यक्षले सहमति जनाए पनि अर्का वरिष्ठ नेता माधवकुमार नेपाल भने असन्तुष्ट रहेका छन् ।

उहाँहरूबीच एकताको महत्वलाई आत्मसात् गर्ने, पार्टीमा पद्धति र संस्थागत प्रणालीलाई सबल तुल्याउने, अध्यक्षद्वयको कार्यविभाजन तथा कार्याधिकार स्पष्ट गर्ने, पार्टी एकताका बाँकी काम सम्पन्न गर्नुपर्ने उल्लेख छन् ।

त्यस्तै एकताको राष्ट्रिय महाधिवेशन आयोजना गर्ने, सरकारको काम, संसदीय दलको भूमिका, प्रदेश सरकार र स्थानीय तहको भूमिका प्रभावकारी बनाउने प्रस्ताव गरिएको छ । न्युज २४ बाट